Latin Translations and Originals of Christmas Songs

These translations used to be hosted on my Geocities site but are now posted here because Geocities is going to be shut down.

Jingle Bells

Nives, glacies, nox pueritia!
Risus decet nunc, decent carmina!
Laetos iuvat nos, ire per agros,
Traha fert velociter, et cachinnemus nos!
Tinniat, tinniat, tintinnabulum!
Labimur in glacie post mulum curtum!

O Come All Ye Faithful (The Latin is the original version of this song.)

Adeste, Fideles
Laeti triumphantes
Venite, venite
In Bethlehem!
Natum videte
Regem angelorum.
Venite, adoremus!
Venite, adoremus!
Venite, adoremus
Dominum!

Silent Night

Silens nox, sancta nox
Placida, lucida,
Virginem et puerum,
Dulcem atque tenerum,
Somno opprime,
Somno opprime.

O Little Town of Bethlehem

O Bethlehem in collibus
Quam tacite dormis,
Et spectant alta sidera
De caeruleis caelis!
Sed in obscuris viis
Tu hodie tenes,
Aeterna luce fulgente,
Annorum omnes spes!

Joy to the World

Laetissimus
Accipiat
Iam mundus Dominum
Dum omnia
In corda nos
Accipimus illum!
Accipimus illum!
Accip-, Accip- imus
Illum!

We Three Kings

Orientis reges tres
Procul dona portantes
Per campos et montes imus
Stellam illam sequentes.
O stella potens et mira,
Stella regalis pulcra,
Semper movens ad occasum
Duc nos ad claram lucem.

Hark the Herald Angels

En canentes angeli:
"Gloria Regi infanti;
Pax in terra, et Deus
Concors cum mortalibus."
Laeti, omnes populi,
Cum caelestibus iuncti,
Praedicate, "Nunc Christus
Est in Bethlehem natus."
En canentes angeli:
"Gloria Regi infanti."


Veni, Veni, Emmanuel
(Original Latin, words from traditional 8th century antiphons)

1. Veni, O Sapientia,
Quae hic disponis omnia,
Veni, viam prudentiae
Ut doceas et gloriae. Refrain

Refrain:
Gaude, gaude, Emmanuel
Nascetur pro te, Israel.

2. Veni, Veni Adonai!
Qui populo in Sinai
Legem dedisti vertice,
In Majestate gloriae. Refrain

3. Veni, O Jesse virgula,
Ex hostis tuos ungula,
De specu tuos tartari
Educ et antro barathri. Refrain

4. Veni, Clavis Davidica,
Regna reclude caelica,
Fac iter tutum superum,
Et claude vias inferum. Refrain

5. Veni, Veni O Oriens!
Solare nos adveniens,
Noctis depelle nebulas,
Dirasque noctis tenebras. Refrain

6. Veni, Veni, Rex gentium,
veni, Redemptor omnium,
Ut salvas tuos famulos
Peccati sibi conscios. Refrain

7. Veni, Veni Emmanuel!
Captivum solve Israel!
Qui gemit in exsilio,
Privatus Dei Filio.